സമൂഹ്യശൃംഖലകള്‍:

RSS:

വത്തിക്കാന്‍ റേഡിയോ

ലോകവുമായി സംവദിക്കുന്ന പാപ്പായുടെ ശബ്ദം

ഭാഷ:

വത്തിക്കാന്‍ \ പരിപാടികള്‍

"പുതുതലമുറയുടെ ശുശ്രൂഷയില്‍ സഭ പ്രതിബദ്ധം": കര്‍ദി. പരോളിന്‍

സേക്രട്ട് ഹാര്‍ട്ട് കാത്തലിക് യൂണിവേഴ്സിറ്റിയുടെ സ്ഥാപകന്‍, ഫാ. അഗസ്തീനോ ജെമേല്ലി

17/04/2018 09:15

മിലാനിലെ സേക്രട്ട് ഹാര്‍ട്ട് കത്തോലിക്കാ സര്‍വകലാശാല 94-ാമതു ദേശീയ ദിനം ഏപ്രില്‍ 15-ന് ആചരിക്കുന്നവേളയില്‍, വത്തിക്കാന്‍ സ്റ്റേറ്റു സെക്രട്ടറി കര്‍ദിനാള്‍ പിയെത്രോ പരോളിന്‍ പ്രത്യേക സന്ദേശമയച്ചു.

മിലാനിലെ ആര്‍ച്ചുബിഷപ്പ് മാരിയോ ഡെല്‍ഫീനിയെ അഭിസംബോധന ചെയ്തുകൊണ്ടുള്ള ഈ കത്തില്‍, കത്തോലിക്കാസഭ മുഴുവന്‍റെയും നവമായ ശ്രദ്ധ യുവജനങ്ങളിലേയ്ക്കു തിരിയുന്ന ഈ വര്‍ഷത്തില്‍, ക്രിസ്തീയതയാല്‍ പ്രചോദിതമായ സാംസ്ക്കാരികവും, വൈദഗ്ധ്യവും യോഗ്യതയും നല്‍കുന്നതിലൂന്നിയതുമായ അവരുടെ രൂപവത്ക്കരണം ഏറെ പ്രധാനപ്പെട്ടതാണെന്നും സൂചിപ്പിക്കുന്നുണ്ട്.

1921-ല്‍ അഗൊസ്തീനോ ജെമേല്ലി എന്ന വൈദികനാല്‍ മിലാനില്‍ സ്ഥാപിതമായ ഈ കത്തോലിക്കാ സര്‍വകലാശാല, യൂറോപ്പിലെ ഏറ്റവും പ്രധാനപ്പെട്ട സര്‍വകലാശാലയാണ്. റോമിലെ പ്രസിദ്ധമായ ജെമെല്ലി പോളിക്ലിനിക്കും ഈ സര്‍വകലാശാലയുടെ ഭാഗമാണ്. "അവകാശികളും, നൂതനത്വം തേടുന്നവരും: ചരിത്രത്തിലെ യുവനായകര്‍" എന്ന വിഷയം ആസ്പദമാക്കിയുള്ള ഈ ദേശീയദിനാചരണം, അവരില്‍ മാനവികവും ആത്മീയവുമായ പാരമ്പര്യങ്ങളെ വികസിപ്പിക്കുന്നതിനു ഉപയുക്തമാകട്ടെ എന്നാശംസിക്കുന്ന കത്തില്‍, യുവജനങ്ങളെയും അവരുടെ സ്വപ്നങ്ങളെയും ഹൃദയത്തിലേറ്റിയിലിക്കുന്ന പരിശുദ്ധ പിതാവ്, ഇറ്റാലിയന്‍ സര്‍വകലാശാലയുടെ അമൂല്യമായ ശുശ്രൂഷയില്‍ കൃതജ്ഞതയുള്ളവനാണെന്നും, കര്‍ദിനാള്‍ കത്തില്‍ പ്രത്യേകമായി അനുസ്മരിപ്പിക്കുന്നു.


(Sr. Theresa Sebastian)

17/04/2018 09:15