പിന്‍തുണയ്ക്കേണ്ട സാമൂഹികവ്യഥ : ‘ഓട്ടിസം’
ഏപ്രില്‍ 2 – ആഗോള ‘ഓട്ടിസം’ ദിനം
ശാരീരികവും മാനസികവുമായി ക്ലേശിക്കുന്ന ‘ഓട്ടിസം’ രോഗികള്‍!
‘ഓട്ടിസം’ രോഗികളെ ഇനിയും സമൂഹം വേണ്ടുവോളം പരിഗണിക്കുന്നില്ലെന്ന്, സമഗ്രമാനവ പുരോഗതിക്കായുള്ള വത്തിക്കാന്‍ സംഘത്തലവന്‍, കര്‍ദ്ദിനാള്‍ പീറ്റര്‍ ടേര്‍ക്സണ്‍ പ്രസ്താവിച്ചു. ഏപ്രില്‍ 2-Ɔο തിയതി തിങ്കളാഴ്ച ഐക്യരാഷ്ട്ര സംഘടന ആചരിച്ച 11-Ɔമത് ആഗോള ‘ഓട്ടിസം’ ദിനത്തില്‍ (International Day of Autism) വത്തിക്കാനില്‍നിന്നും ഇറക്കിയ സന്ദേശത്തിലാണ് കര്‍ദ്ദിനാള്‍ ടേര്‍ക്സണ്‍ ഇങ്ങനെ പരാമര്‍ശിച്ചത്.
ജനന്മനാ തന്മയീഭാവശേഷി നഷ്ടപ്പെട്ട്, മാനസികവും ശാരീരികവുമായ വ്യഥകള്‍ അനുഭവിക്കുന്നവരുടെ എണ്ണം പൂര്‍വ്വോപരി വര്‍ദ്ധിച്ചിട്ടുണ്ട്. ലോകത്തുള്ള 160-പേരില്‍ ഒരാള്‍ക്ക് ഓട്ടിസം ബാധയുണ്ടെന്ന യുഎന്നിന്‍റെ സ്ഥിതിവിവരക്കണക്കും കര്‍ദ്ദിനാള്‍ ടേര്‍ക്സണ്‍ സന്ദേശത്തില്‍ ചൂണ്ടിക്കാട്ടി.
ക്ലേശകരമായിട്ടാണെങ്കിലും രോഗികളെ കുടുബങ്ങള്‍ പരിചരിക്കുകയും രോഗത്തിന്‍റെ വേദനകള്‍ സകുടുംബം സഹിക്കുകയും ചെയ്യുമ്പോള്‍ ഇത്തരത്തിലുള്ള പ്രത്യേക രോഗികള്‍ക്കായി സാമൂഹികതലത്തിലുള്ള സേവനങ്ങളും പിന്‍തുണയും വളരെ കുറച്ചാണെന്ന് സന്ദേശത്തില്‍ വെളിപ്പെടുത്തി. ഈ രോഗികളുമായി മല്ലടിക്കുന്ന കുടുംബവും മാതാപിതാക്കളും മറ്റ് കുടുംബാംഗങ്ങളും അനുഭവിക്കുന്ന അപര്യാപ്തത, മാനസിക സംഘര്‍ഷം, നിസ്സഹായത, സഹകരണത്തിന്‍റെ പിന്‍തുണയുടെയും ഫലശൂന്യത എന്നവ ഈ പ്രത്യേക രോഗത്തിന്‍റെ സാമൂഹികമായ മുറിവാണെന്ന് (Social Wounds) കര്‍ദ്ദിനാള്‍ ടേര്‍ക്സണ്‍ വിശേഷിപ്പിച്ചു.
രോഗിക്ക് പ്രത്യേക അംഗീകരിക്കുക, അവരുടെ കൂടെയുണ്ടായിരിക്കുക, ഐക്യദാര്‍ഢ്യം പുലര്‍ത്തുക, പിന്‍തുണയ്ക്കുക, പ്രത്യാശ വളര്‍ത്തുക, എന്നിവ കുടുംബത്തോടൊപ്പം സമൂഹവും നിര്‍വ്വഹിക്കേണ്ട പങ്കാണെന്ന് കര്‍ദ്ദിനാള്‍ ടേര്‍ക്സണ്‍ ചൂണ്ടിക്കാട്ടി.
| All the contents on this site are copyrighted ©. |