പാപ്പാ സഭകളുടെ ലോകസമിതിയുമായി കൂടിക്കാഴ്ച നടത്തും
ഫ്രാന്‍സീസ് പാപ്പാ സഭകളുടെ ലോകസമിതിയുടെ (WCC-WORLD COUNCIL OF CHURCHES) ആസ്ഥാനം സന്ദര്‍ശിക്കും.
പരിശുദ്ധസിംഹാസാനത്തിന്‍റെ വാര്‍ത്താവിനിമയ കാര്യാലയത്തിന്‍റെ (പ്രസ്സ് ഓഫീസ്) മേധാവി ഗ്രെഗ് ബര്‍ക്ക് വെള്ളിയാഴ്ച(02/03/018)യാണ് ഇക്കാര്യം വെളിപ്പെടുത്തിയത്.
ജൂണ്‍ 21 നായിരിക്കും പാപ്പാ സ്വിറ്റ്സര്‍ലണ്ടിലെ ജനീവാ പട്ടണത്തില്‍ സഭകളുടെ ലോകസമിതിയുടെ ആസ്ഥാനത്ത് എത്തുക എന്ന് അദ്ദേഹം വ്യക്തമാക്കി.
സഭകളുടെ ലോകസമിതിയുടെ എഴുപതാം സ്ഥാപനവാര്‍ഷികത്തോടനുബന്ധിച്ചാണ് പാപ്പായുടെ ഈ സന്ദര്‍ശനം.
1948 ല്‍ രൂപംകൊണ്ട സഭകളുടെ ലോകസമിതി ഓര്‍ത്തഡോക്സ്, ആംഗ്ലിക്കന്‍, ബാപ്റ്റിസ്റ്റ്, ലൂതറന്‍ മെത്തൊഡിസ്റ്റ് തുടങ്ങിയ 348 ക്രൈസ്തവസഭകളുടെ കൂട്ടായ്മയാണ്. 110 നാടുകളിലായി 50 കോടിയോളം ക്രൈസ്തവര്‍ ഇതില്‍ അംഗങ്ങളാണ്. എന്നാല്‍ കത്തോലിക്കസഭ ഇതില്‍ അംഗമായിട്ടില്ലെങ്കിലും നിരീക്ഷകസ്ഥാനം ഉണ്ട്.
| All the contents on this site are copyrighted ©. |