സമൂഹ്യശൃംഖലകള്‍:

RSS:

വത്തിക്കാന്‍ റേഡിയോ

ലോകവുമായി സംവദിക്കുന്ന പാപ്പായുടെ ശബ്ദം

ഭാഷ:

ലോകവാര്‍ത്തകള്‍ \ ലോകം

കാബൂളിലുണ്ടായ ഭീകരാക്രമണത്തെ ഐക്യരാഷ്ട്രസഭ അപലപിച്ചു

ശനിയാഴ്ച 20/0/18 ഭീകരാക്രമണം നടന്ന അഫിഗാനിസ്ഥാന്‍റെ തലസ്ഥാനമായ കാബൂളിലെ ഹോട്ടല്‍ ഇന്‍റര്‍കോണ്ടിനെന്‍റല്‍ - AFP

22/01/2018 13:05

അഫിഗാനിസ്ഥാന്‍റെ തലസ്ഥാനമായ കാബൂളിലെ ആഢംബര ഹോട്ടലായ ഇന്‍റര്‍കോണ്ടിനെന്‍റലില്‍ നിരവധിപ്പേര്‍ കൊല്ലപ്പെട്ട ഭീകരാക്രമണത്തെ ഐക്യരാഷ്ട്രസഭ ശക്തമായി അപലപിച്ചു.

ശനിയാഴ്ച (20/01/18) രാത്രിയുണ്ടായ ആക്രമണത്തില്‍ വിദേശികളുള്‍പ്പടെ കൊല്ലപ്പെട്ടവരുടെ സംഖ്യ കൃത്യമായി ലഭിച്ചിട്ടില്ലെങ്കിലും 40 ഓളം പേര്‍ വരെ വധിക്കപ്പെട്ടിട്ടുണ്ടെന്നാണ് വാര്‍ത്താമാധ്യമങ്ങളുടെ നിഗമനം. അനേകര്‍ക്ക്   പരിക്കേല്‍ക്കുകയും ചെയ്തു.

മരണമടഞ്ഞവരുടെ കുടുംബാംഗങ്ങളുടെ ദു:ഖത്തില്‍ ഐക്യരാഷ്ട്രസഭയുടെ മേധാവി, സെക്രട്ടറി ജനറല്‍ ​അന്തോണിയൊ ഗുട്ടേരെസ് പങ്കുചേരുന്നതായി അദ്ദേഹത്തിന്‍റെ  വക്താവ് അറിയിച്ചു.

മുറിവേറ്റവര്‍ക്ക് ക്ഷിപ്ര സുഖപ്രാപ്തി അദ്ദേഹം ആശംസിക്കുകയും ചെയ്തു.

അഫ്ഖാനിസ്ഥാന്‍റെ വിവരവിനിമയസാങ്കേതികവിദ്യാ മന്ത്രാലയം ഞായറാഴ്ച (21/01/18) നടത്താനിരുന്ന സാങ്കേതികവിദ്യാസമ്മേളനത്തിന്‍റെ വേദിയായിരുന്ന കോണ്ടിനെന്‍റല്‍ ഹോട്ടലില്‍ ഒരു വിവാഹവിരുന്നിനെത്തിയ അതിഥികളും താമസിക്കുന്നുണ്ടായിരുന്നു.

ശനിയാഴ്ച രാത്രി ഹോട്ടലില്‍ 4 താലിബാന്‍ ഭീകരര്‍ കടന്നുകൂടുകയും അത്താഴവിരുന്നില്‍ പങ്കെടുക്കുന്നവര്‍ക്കു നേരെ നിറയൊഴിക്കുകയുമായിരുന്നു. തുടര്‍ന്ന്  അവര്‍ മുറികളിലുണ്ടായിരുന്നവരെ ബന്ദികളാക്കുകയും ചെയ്തു.

സുരക്ഷാസേന ഭീകരര്‍ക്കെതിരെ ന‌ടത്തിയ 13 മണിക്കൂര്‍ നീണ്ട പോരാട്ടത്തില്‍ അക്രമികള്‍ നാലു പേരും വധിക്കപ്പെട്ടു.

 

22/01/2018 13:05