അധോലോകത്തിന്‍റെ അനീതിക്കെതിരായ ധാര്‍മ്മികരോഷം
അവധിയിലാണെങ്കിലും അധോലോക പ്രവര്‍ത്തനങ്ങള്‍ക്കും അനീതിക്കുമെതിരെ പാപ്പാ ഫ്രാന്‍സിസ് ‘ട്വിറ്റര്‍’ സന്ദേശം കണ്ണിചേര്‍ത്തു. അധോലോകത്തിനെതിരെ പോരാടിയ ഇറ്റലിയിലെ നിയമപാലകന്‍ പാവ്ളോ ബൊസെലീനോയുടെ 25-Ɔ൦ രക്തസാക്ഷിത്വ ദിനമായ ജൂലൈ 19-Ɔ൦ തിയതി ബുധനാഴ്ചയാണ് @pontifex എന്ന ഹാന്‍ഡില്‍ ഇക്കുറി ഇറ്റാലിയന്‍ ഭാഷയില്‍ മാത്രം പാപ്പാ പ്രത്യേകസന്ദേശം കണ്ണിചേര്‍ത്തത് :
“അധോലോക പ്രവര്‍ത്തകരുടെ (Mafia) കൈകളില്‍ കൊല്ലപ്പെട്ടവര്‍ക്കുവേണ്ടി പ്രാര്‍ത്ഥിക്കാം. ഒപ്പം അനീതിക്കെതിരെ പോരാടിക്കൊണ്ട് മുന്നോട്ടുപോകാനുള്ള കരുത്തിനായി ദൈവത്തോട് യാചിക്കാം.”
Italian : Preghiamo per tutte le vittime delle mafie, chiediamo la forza di andare avanti, di continuare a lottare contro la corruzione.
തെക്കെ ഇറ്റലിയിലെ സിസിലിയില്‍ മാഫിയ സംഘങ്ങള്‍ക്കെതിരെ ധീരമായി പോരാടിയ മാജിസ്ട്രേറ്റ് പാവോളോ ബൊസെലീനോയുടെയും കുടുംബത്തിന്‍റെയും കൊലപാതകത്തിന്‍റെ വാര്‍ഷികാനുസ്മരണം അധോലകത്തിനെതിരെയുള്ള ഇറ്റലിയുടെ പോരാട്ടത്തിലെ ചരിത്രസംഭവമായി ഇന്നും കണക്കാക്കപ്പെടുകയും രാജ്യം അനുസ്മരിക്കുകയും ചെയ്യുന്നു. 1992 ജൂലൈ 19-ലെ ഈ ദാരുണസംഭവത്തെ ‘അമേലിയോ വീഥി’യിലെ കൂട്ടക്കൊലയെന്നാണ് അറിയപ്പെടുന്നത് (Massacre of Via d’Amelio). അവധിദിനമായിരുന്ന അന്നത്തെ ജൂലൈ 19 ഞായറാഴ്ച അമ്മയെക്കാണാന്‍ കാറില്‍ തറവാട്ടുവീട്ടിലേയ്ക്ക് സകുടുംബം യാത്രചെയ്യവെയാണ് മജിസ്ട്രേട്ട് ബൊസെലീനോയും കുടുംബവും അംഗരക്ഷകരും വാഹനത്തില്‍ ഘടിപ്പിച്ച ബോംബാക്രമണത്തില്‍ മാഫിയ സംഘത്തിന്‍റെ പ്രതികാരത്തിന് ഇരയായത്.
| All the contents on this site are copyrighted ©. |