സുജാതയുടെ കിളിമൊഴിയില്‍ ഒരുനല്ല സുവിശേഷഗീതം
സണ്ണിസ്റ്റീഫന്‍ സംവിധാനംചെയ്ത സുവിശേഷഗാനത്തിന്‍റെ ശബ്ദരേഖ!
ക്രിസ്തു പഠിപ്പിച്ച ദൈവപരിപാലനയുടെ ചിന്തകള്‍ ലവലേശം വിട്ടുപോകാതെ ഫാദര്‍ സെഡ്. എം. മൂഴൂര്‍ സി.എം.ഐ രചിച്ച ഗാനമാണിത്. കിളിപ്പാട്ടിലെന്നപോലെ വചനചിന്തകള്‍ കുഞ്ഞാറ്റക്കിളികളുമായി കൂട്ടിയിണക്കുന്നതാണ് വാഗ്മിയും കവിയും രചയിതാവുമായ മൂഴൂരച്ചന്‍റെ രചനാപാടവം!
മത്തായിയുടെ സുവിശേഷം 6 : 25-34.
സണ്ണി സ്റ്റീഫന്‍റെ ഈണം വിഷയബന്ധിയാണ്. ഭക്തിരസം വിട്ടുപോകാതെ അദ്ദേഹം പശ്ചാത്തല സംഗീതത്തില്‍ കാലികമായ പ്രാഗത്ഭ്യം തെളിയിക്കുന്നു. പ്രകൃതിയുടെ മനോഹാരിതയും, അതിന്‍റെ പിന്നിലെ ദൈവികപരിപാലനയുടെ അദൃശ്യമായ ശക്തിയും പരിചയസമ്പന്നനായ സംഗീതസംവിധായകന്‍ ഗാനത്തില്‍ ആവിഷ്ക്കരിക്കുന്നു. മൂഴുരച്ചന്‍റെയും സണ്ണിയുടെയും ഈ അപൂര്‍വ്വസംഗമത്തെ ഉച്ചസ്ഥായിയില്‍ എത്തിക്കുന്നത് മലയാളത്തിന്‍റെ പ്രിയ ഗായിക, സുജാത മോഹനാണെന്ന് പറയാതിരിക്കാന്‍വയ്യ! മറ്റൊരു നാദം ഈ ഗാനത്തിനു ചേരുമോ? സണ്ണിജീ ഉത്തരം പറയട്ടെ!
സണ്ണി സ്റ്റീഫന്‍ സംവിധാനംചെയ്തു നിര്‍മ്മിച്ച ‘സെഹിയോന്‍’ എന്ന ഗാനശേഖരത്തിലേതാണ് ഈ ഗാനം. ‘മനോരമ മ്യൂസിക്സാ’ണ് ഇതിന്‍റെ വിതരണക്കാര്‍. ഏറെ ആസ്വാദ്യമായ ഈ സുവിശേഷഗീതത്തന്‍റെ പിന്നിലെ സമര്‍പ്പണത്തിന് നന്ദിയും അഭിനന്ദനങ്ങളും!
| All the contents on this site are copyrighted ©. |