സമൂഹ്യശൃംഖലകള്‍:

RSS:

APP:

വത്തിക്കാന്‍ റേഡിയോ

ലോകവുമായി സംവദിക്കുന്ന പാപ്പായുടെ ശബ്ദം

ഭാഷ:

സഭ \ ഏഷ്യ

വിവാഹത്തിന്‍റെ ഔന്നത്യത്തെ വിലമതിക്കുക

ആര്‍ച്ചുബിഷപ്പ് ലെയൊ കൊര്‍ണേലിയൊ - RV

04/02/2017 14:48

വിവാഹത്തിന്‍റെ ഐക്യവും നൈര്‍മ്മല്യവും അന്തസ്സും ആദരിക്കാന്‍ ഭോപ്പാല്‍ അതിരൂപതയുടെ ആര്‍ച്ചുബിഷപ്പ് ലെയൊ കൊര്‍ണേലിയൊ കുടുംബങ്ങളെ ആഹ്വാനം ചെയ്യുന്നു.

ഭോപ്പാലില്‍, ഭാരതത്തിലെ ലത്തീന്‍ കത്തോലിക്കാമെത്രാന്‍സംഘത്തിന്‍റെ സി സി ബി ഐയുടെ, (Conference of the Catholic Bishops of India)  29Ͻ-മത് സമ്പൂര്‍ണ്ണ സമ്മേളനത്തെ വെള്ളിയാഴ്ച (03/02/17) സംബോധനചെയ്യുകയായിരുന്നു അദ്ദേഹം.

വിവാഹമെന്ന കൂദാശയെ ദമ്പതികള്‍ ആദരിക്കുകയും ആ കൂദാശയേകുന്ന കടമ പൂര്‍ണ്ണ വിശ്വസ്തതയോടെ ജീവിക്കുകയും ചെയ്യണമെന്ന് ഓര്‍മ്മിപ്പിച്ച ആര്‍ച്ചുബിഷപ്പ് കൊര്‍​ണേലിയൊ വിവാഹജിവിതത്തിന്‍റെ തകര്‍ച്ചയ്ക്ക് കാരണമാകുന്നത് ദമ്പതികളുടെ അവിശ്വസ്തതയും തെറ്റിദ്ധാരണയും സ്വാതന്ത്ര്യത്തിന്‍റെ തെറ്റായ വ്യാഖ്യാനവുമാണെന്ന വസ്തുത ചൂണ്ടിക്കാട്ടി.

തങ്ങളുടെ വൈവാഹികകടമകളില്‍ ദമ്പതികള്‍ വീഴ്ചവരുത്തുമ്പോള്‍ അതിന് ഇരകളായിത്തീരുന്നത് അവരുടെ മക്കളാണെന്ന് അദ്ദേഹം പറഞ്ഞു.

നരകുലത്തെ രക്ഷിക്കുന്നതിന് ബലിയാകാന്‍ യേശുവിനെ പ്രേരിപ്പിച്ച ആ സ്നേഹത്താല്‍ ദമ്പതികള്‍ നിറഞ്ഞാല്‍ മാത്രമെ സന്തോഷകരമായ കുടുംബജീവിതം നയിക്കാന്‍ സാധിക്കുകയുള്ളുവെന്ന് ആര്‍ച്ചുബിഷപ്പ് കൊര്‍​ണേലിയൊ ഓര്‍പ്പിക്കുകയും ചെയ്തു.  

സിസിബിഐ ജനുവരി 31 ന് ആരംഭിച്ച സമ്പൂര്‍ണ്ണസമ്മേളനത്തില്‍ ഭാരതത്തിലെ 132 ലത്തീന്‍ രൂപതകളില്‍നിന്നുള്ള 180 ഓളം മെത്രാന്മാര്‍ പങ്കെടുക്കുന്നുണ്ട്.

04/02/2017 14:48